本尊决定利物浦和局355

免費晒佢

防守勁曳訪維拉難言勝 利物浦大盤好路
05/15文:臻贏特

利物浦队长 華基爾雲迪積克

今晚🏴󠁧󠁢󠁥󠁮󠁧󠁿󠁧󠁢󠁥󠁮󠁧󠁿 英超獨腳戲，阿斯顿维拉主场火并利物浦。虽然屬前列对决，但維拉個心已经飛咗去下周中欧霸杯决赛，今仗随时出副选hea踢，不过红军客场例差多失波，轉捧2.5球嘅大盤為妙。

（Now 621及611周六凌晨3時直播）

先講联赛形势，利物浦與維拉同得59分，排喺第4及第5位，而且甩開第6嘅伯恩茅斯4分，剩番2輪之下，前5嘅下届欧联入场券都幾稳阵。

維拉揸流攤等踢欧霸决赛
虽然維拉煞科日要對曼彻斯特城，但唔好忘记，佢哋下周中欧霸杯决赛對弗赖堡，贏咗同样可以踢欧联，加上主帅艾美利之前5次带队杀入欧霸杯决赛，4度封王，梗係想带领維拉一搔40多年之癢，再嘗欧洲賽冠军滋味，睇埋4強次回合前嘅联赛對热刺，艾帥正选收起奧尼屈堅斯等主力，以副选迎战，今仗好大机会照辦煮碗。

就算維拉揸流攤，都唔代表利物浦一定贏，佢哋各项赛事近9仗贏得3場咁大把，日前联赛對住頹到冇朋友嘅切尔西，亦只能各一言和，見到都唔開胃。再睇埋佢哋近6次客场，竟然录得1勝5負劣绩，场场有失波，实在捧唔落手。翻查纪录，維拉近4次主场出击，全开3球或以上，而红军近5場作客亦有4次開3球或以上，揀大盤更上算，进取啲可捧埋1.5球嘅半场大。